الخامس والعشرين من أيار
يا مجد مكتوب بالغار
دعسة مقاوم عالأرض
بتزلزل الكون بالكفار
أيار يا كوفيّة العز والحريّة
شامخ يا شهر الحق
صادق النيّة
والظلم مهما علي سياجو
وارتفعت بالهوا أبراجو
عالحق ما في قوة بتعلا
كل شي بيصير بقدرتك يا الله
جنوبي اللي كاتب للنصر تاريخ
متل الأرز لا بيذبل ولا بيشيخ
ما بينكسر منبت الأبطال
ما بينحني بيت اللي فيه رجال
رجال بتعمر وطن
وبتطفي نار الفتن
شوكة بعين الزمن
رح تبقى
وبكرا بتجي الأجيال
بتسأل ببلادنا شو صار
وكيف انهزم خصمك الجبار
يا جنوب عرس الشهادة فيك
وهالأرض المعطرة بدم الشهيد
بتهتف باسمك وبتلبيك
كل سنة بيرجعلك العيد
يا جنوب كاتب مجد لبنان
رافع راية الإنسان
أديش في أبريا(ء) ظلمهم العدوان
فيك تخلّدوا فيك تجدّدوا
يلا توحّدوا تا يعيش لبنان
موضوع: اااااااااااااااا 
السبت يونيو 01, 2013 6:58 pm